Nandray Azy tao an-tranony i Marta, fa i Maria kosa no nifidy ny anjara soa indrindra.

Ry kristianina havana, raha tamin'ny Alahady lasa teo nandinika, nandalina sy nibanjina ny tena votoatin'ny fiainantsika isika fa indrindra amin'izao fandalinam-pinoana mandavantaona ataontsika izao dia ny fitiavana izay nasongadintsika tsara fa tsy sentosento ary lavitra ny fihatsaram-belatsihy fa mila fahafoizana, mitondra amin’ny fanompoana, niseho tamin’ny fitsaboana notanterahin’ilay Samaritana nikarakara an'ilay maratra ary tsy iza io Samaritana io fa i Jesoa izay nitondra tany amin’ny tranom-bahiny ary nilaza tamin'ny tompon-trano mba hikarakara ilay marary. Azo lazaina fa raha nanao izany I Jesoa dia manolotra amintsika amin’ny Eglizy. Isika izao io tompon-trano io, isika no irahin’I Jesoa tsy maintsy mikolokolo fa indrindra amin’izao andro sarotra izao...[.....]

Tsindrio eto hihaino ny toriteny

“Mandehana àry, ka manaova toy izany koa”.

Ry kristianina havana, amin'izao Alahady faha-15 mandavantaona izao izany hoe eo anivon'ny dia sady ady ivelomantsika ny finoantsika isika araka ny voalazantsika matetika hoe: ny finoana dia tsy tany malemy anorenam-pangady fa tany lonaka hiasan'ny fahasoavan'Andriamanitra ka mamokatra ho antsika sy ireo manodidina antsika ka mahatonga antsika ho fanasina sy fahazavana. Izany ny mahatonga ny hoe fahaizana mampitraotra ny finoana sy ny fiainana andavanandro. Ao anatin'izao Alahady faha-15 tsotra izao dia miditra amin'ny tapan'ny faharoa amin'ny fandalinam-pinoana isika.....[....]

Tsindrio eto hihaino ny toriteny

Hitoetra ao amin’izany trano izany ny Fiadanana lazainareo

Ry Kristianina havana, avy niatrika fotoan-dehibe maromaro isika tato ho ato, fotoam-pahasoavana ary ny farany teo dia tamin’ny alahady lasa Fankalazana an’I Md Piera sy Paoly. Tena ao anatin’ny taon-jobily marina isika. Io ihany koa ny alahady mamarana ny volana jiona volan’ny Fo Masin’I Jesoa, Mpiaro an’I Madagasikara, Mpiaro ny diosezintsika. Manomboka amin’izao dia miverina amin’ny mandavan-taona indray isika. Araky ny averimberintsika matetika ny fotoana litorjika mandavan-taona ohatrizao dia fotoana fandalinam-pinoana fa indrindra ao anatin’izao Sinaody faha-7 fijanonana faha-3 izay efa
faranantsika amin’ny volana novambra. Ny tanjona dia ny nahatonga antsika hivelona ny finoana amin’izao vanim-potoana misy antsika. Marina tokoa izao ny fotoana tsara hirosoana amin’ny lalindalina kokoa......[.......]

Tsindrio eto hihaino ny toriteny

ATAONAREO HO IZY MOA AHO ?

Ry Kristianina Havana, vao tsy ela isika no nilaozan’I Papa François. Handry ampiadanana anie ny fanahiny ary izy hivavaka ho antsika. Isaorana Andriamanitra fa nomeny an’i Papa Leon faha XIV isika. Hiombom-bavaka aminy isika amin’izao fankalazana an’I Md Piera sy Paoly izao mba ho feno Fanahy Masina izy hahafahany mitarika antsika amin’I Jesoa ilay hany hasambarana. Isaorana Andriamanitra nahavita soa aman-tsara ny pelerinajy ireo Evekantsika. Mbola ao am-pontsika ny hafatry ny Papa ho azy ireo ary ho antsika mianakavy ihany koa fa indrindra amin’izao ao anatin’ny volan’I Jiona volan’ny Fo Masin’I Jesoa izay voatokana ho Mpiaro an’I Madagasikara. Madagasikara izay vao avy nankalaza ny 26 jiona fankalazana ny fiverenan’ny fahaleovantena....[....]

Tsindrio eto hihaino ny toriteny

NY FON’I JESOA NO ILAY FO FATRA-PITIA NY OLOMBELONA.

Ry Kristianina havana, fotoan-dehibe ho antsika tokoa ity andro anio ity satria miaraka amin'ny Eglizy maneran-tany isika olo araiky ato amin'ny diosezy izay faly mifampiarahaba manokana satria andro ankalazantsika ny Fo masin'i Jesoa mpiaro antsika eto amin'ny Katedraly, Mpiaron’ny Diosezy. Amin’ny Alahady no hankalazantsika an'izany toy ny isan-taona nefa noho ny daty mifanindry dia ataontsika amin’izao zoma izao ka mifanaraka tsara amin’ny andro fankalazana eran'ny diosezy, eran-tany koa ka an-kafaliana sy an-karavoana no iarahabana antsika mianakavy androany fankalazana ny Fo masin'i Jesoa mpiaro ny diosezintsika izao satria izay Mpiaro ny Katedraly Renin’ny Eglizy eto amin’ny diosezy no Mpiaro antsika tsiraikiraiky sy ISIKA OLO ARAIKY JIABY. Misy akony manokana ny fankalazana amin’ity taona ity satria ao anatin’ny fiatrehantsika ny Sinaody izao.....[.......]

Tsindrio eto hihaino ny toriteny