I KRISTY NO lORENAN’NY FIAINANTSIKA SY NY FAHEFANNY EGLIZY

Ry Kristianina havana, averimberina amintsika matetika amin'izao fotoananny fandalinam- pinoana izao, amin’izao fotoana etrehintsika ny Sinaody izao fa isika EOV no Kristy mpiara- belona amin'olona, Tabernakla velona tahaka an’i Masina Maria izay nitsangana nandeha haingana namonjy an’I Mb Elizabeta. Isika EOV no irahina hitondra hazavana sy fanasina amin'ireo manodidina antsika mba hahafantaran'ny olona fa làlana sy fahamarinana ary fiainana tokoa i Jesoa. Raha izao tontolo very “fanahy mbola velona”, isika kosa Tsy very fa manana "répère" amin'ny làlana handehanana ary manana tanjona dia ny fivelaran'ny fiainana mifototra amin'ny fahamarinana. Nohamafisintsika koa amin’izao isika miatrika ny tapan’ny faharoa amin’ny Sinaody izao fa ny fifandraisana dia anisan’ny maha-olona ka no banjinntsika manokana ny fifandraisana amin’ny zava-boary. Notsipihintsika fa misy fifandraisana lalina amin’ny finoana io fikolokoloana sy fiarovana ny zavaboary io. Mibaribary izany rehefa mankalaza ny Eokaristia isika.....[......]

Tsindrio eto hihaino ny toriteny

NY OLOMBELONA REHETRA NO KENDREN’ANDRIAMANITRA HIDITRA AO AMIN’NY FANJAKANY

Ry Kristianina havana, raha nibanjina an'i Masina Maria nampakarina amim-boninahitra vatana sy fanahy any an-danitra isika tamin'ny 15 aogositra lasa teo ary dia faly sy ravo satria nisy havantsika tafita. Izany koa ny miandry antsika raha miombona amin'Andriamanitra isika, raha mivelona tahaka ny niveloman'i Masina Maria ny finoana ary izy no ohatra voalohany ho antsika amin'ny fiombonam-po tanteraka amin'i Kristy.

Vanim-potoana lehibe ho antsika ihany koa iny 15 Août satria nanamasinana an’ireo Zanatsika telo mirahalahy. Niaraka tamin’I Maria izy ireo nanao “ENY”. Fantatsika ny “eny’n’I Masina Maria. Nanao “eny” tamin’ny filazan’ny Arkanjely Gabriely izy ary tsy “eny” indray mandeha fa isan-teteky hatramin’ny teo am-pototry ny hazofijaliana. Satria ny “eny” dia fiombonam-piainana tanteraka tamin’I Jesoa Zanany. Ahoana ny fisehoan’izay “eny” izay? Tahaka ny an’I Jesoa tamin’ny fanompoana.....[........]

Tsindrio eto hihaino ny toriteny

Nanao zava-dehibe tamiko ilay Mahefa; nasandrany ireo manetry tena.

Ny faha 15 aogositra dia miombona ny Eglizy eran-tany mankalaza amin’ny fomba manetriketrika ny Nampakarina an’i Masina Maria any an-danitra. Fety lehibe ho an’ny Eglizy izany satria ny fidiran’i Masina Maria ao amin’ny voninahitr’Andriamanitra no ankalazaintsika anio. Tsara marihina fa hafa ny fomba fiteny raha hilaza an’i Jesoa nitsangan-ko velona sy niakatra any an-danitra. Fa Masina Maria kosa lazaina hoe Nampakarina any an-danitra izany hoe tsy vokatry ny famendrehan’i Masina fa vokatry ny fanomezam-pahasoavana manokana avy amin’i Jesoa Zanany no ampakarana azy. Finoana no andraisantsika an’izany satria i Masina Maria no Renin’i Jesoa ary i Jesoa dia zanak’Andriamanitra ka noho izany dia Renin’Andriamanitra i Maria. Ao amin’ny voninahitry ny zanany izany i Masina Maria ary fanomezam-pahasoavana manokana avy amin’i Jesoa zanany........[.........]

Tsindrio eto hihaino ny toriteny

MAMPATOKY NY MANATONA AN’I JESOA MPAMONJY

Ry Kristianina havana, tamin'ny Alahady lasa teo dia nankalaza an'i Jesoa niova tarehy teo an- tendrombohitra isika izay andro namaranana koa ny JMJ ka nanirahan’I Papa François an'ireo tanora maro be tany Lisbone mba ho tahaka an’I Masina Maria ho “Tabernakla velona”, “Mitsangana miainga malaky” hitondra an’I Jesoa, ho Kristy Mpiara-belona , ho "génération" mpanorina fa "tsy mpandrava" . Araka izany dia hitantsika fa mifanaraka tanteraka amin’ny Sinaody fa indrindra izao dingana faharoa izao dia Fianakaviana Eglizy kely miaro sy mikolokolo ny tontolo iainana izao. Mila génération mpanorina isika mba handova ny tany dia ity tranobe iombonana ity, ho voakolokolo satria napetrak'Andriamanitra ho karakaraintsika, fanamby ho antsika tokoa izany ka hivelomantsika ny maha Kristy mpiara-belona amin'ny olona antsika, ho mpanorina isika fa tsy hoe sanatria ho mpandrava na mpanapotika, ho taranaka mpandova ny tany, ho taranaka mpanorina, manatsara sy mandavorary ny fiainana ary i Kristy no modely ho antsika amin'izany.......[......]

Tsindrio eto hihaino ny toriteny

Ny Tavany namirapiratra tahaka ny masoandro.

Ry Kristianina havana, izao Alahady izao dia Alahady faha-18 mandavantaona fa noho izy mifanojo amin'izao daty 06 aogositra izao izay ankalazana amin'ny fomba manetriketrika ny fiovan'ny Tompo tarehy teo an-tendrombohitra, dia izay fankalazana izay no tsaroantsika manokana anio. Tsara ihany koa ny mampahatsiahy fa anio ny fanirahana an’ireo tanora marobe mitraotro aty Lisbonne toerana anaovana ny JMJ. Araka ny efa naverina matetika amintsika, ny lohahevitra dia I Maria nijoro nandeha haingana…. Azo lazaina àry fa mifanaraka amin’izao fankalazana ny Fiovan’ny Tompo tarehy anio izao izany lohahevitra izany satria manantena isika fa ireo tanora teto Lisbone, noho ny Fahasoavan’Andriamanitra, dia nifanojo tamin’I Jesoa ka niova, nibebaka ka tahaka an’I Maria vonona hijoro ary hiainga miala eto hitondra an’I Jesoa hanavao izao rehetra izao fa indrindra ny fifandraisana amin’ny lafiny telo izay mandrafitra ny mahaolona isika ka hivelona indray ny vôkasiontsika olombelona araka ny naharian’Andriamanitra antsika dia ny fifandraisana amin’ny zava-boaary.....[........]

Tsindrio eto hihaino ny toriteny